Crop Damage | सध्या देशासह राज्यातही हवामानात अनेक बदल होताना दिसत असून यामुळे कृषी क्षेत्रावरही याचा मोठ्या प्रमाणात परिणाम होताना दिसत आहे. सध्या देशातील अनेक राज्यांमध्ये रब्बी पिके घेतली जात असून तसेच बागायती पिकांचा विचार करता बटाटा व इतर भाजीपाला पिकांचे हवामानातील बदलांपासून संरक्षण करणे शेतकऱ्यांसाठी अडचणीचे ठरत आहे.
गेल्या पंधरा दिवसांपासून राज्यातील जवळपास सर्वच भागात सुरू असलेली कडाक्याची थंडी आणखी काही दिवस कायम राहणार असल्याचा अंदाज हवामान विभागाने वर्तवलेला आहे. पुढील दोन-तीन दिवस राज्यात तापमान, दाट धुके आणि तुरळक पाऊस पडण्याची शक्यता हवामान विभागाने व्यक्त केली आहे. या परिस्थितीत, कृषी संशोधन परिषदेने शेतकर्‍यांना प्रतिकूल हवामानापासून पिके वाचवण्यासाठी काही उपाय सुचवले आहेत.
Crop Damage | मुख्य पिकांना हवामानाचा सर्वाधिक फटका
दरम्यान, सध्या उशिरा पेरणी झालेल्या गहू आणि मोहरी अशा रब्बी हंगामातील मुख्य पिकांना हवामानाचा सर्वाधिक फटका बसत असून कृषी शास्त्रज्ञांनी उत्तर प्रदेशमधील शेतकर्‍यांना असा सल्ला दिला आहे की, जर पिकामध्ये झिंक आढळला, तर शिफारशीनुसार उभ्या पिकामध्ये झिंक सल्फेटचा वापर करावा. याशिवाय तेलबिया पिकांमध्ये किंवा मोहरीवर ऍफिड्सचा हल्ला होण्याची शक्यता आहे. यासाठी शेतकऱ्यांना ऍफिड ट्रीटमेंट घेण्याचा सल्ला दिला असून यूपीच्या उत्तर-पश्चिम भागात दव पडण्याची शक्यता लक्षात घेऊन गटाने पिकांना हलके सिंचन करण्याचा सल्ला देण्यात आला आहे.
Crop Damage | बटाटा पिकांवर तुषार रोगाचा प्रादुर्भाव
तसेच महाराष्ट्रासह देशातील काही राज्यात शेतकरी बटाट्याचे उत्पादन मोठ्या प्रमाणावर करतात. आता बटाटा पिकांवर तुषार रोगाचा प्रादुर्भाव झाला असून त्यासाठी हवामानानुसार योग्य उपचार करण्याची गरज आहे. जैद हंगामातील कांदा पेरणीसाठी हा काळ योग्य असल्याचे कृषी शास्त्रज्ञांनी सांगितले असून ज्या शेतकऱ्यांनी अद्याप कांदा पिकाची लागवड केलेली नाही त्यांनी लवकरात लवकर ही लागवड करावी. तसेच झैदमध्ये लवकर भाजीपाला लागवडीसाठी लो टनेल किंवा पॉलीहाऊसमध्ये रोपे तयार करणे योग्य ठरू शकते.
