Agri Business Idea | जर तुम्हाला कमी वेळात आणि हमी भावात उत्पादन मिळावे असे वाटत असेल. तर, तुम्ही या फळाचे उत्पादन घ्या. कारण इतर पीकांच्या तुलनेत या फळाचे उत्पादन हे अगदी कमी कालावधीत येते आणि या फळाला बाजारात मागणीही उत्तम असते. त्यामुळे या पिकाचे उत्पादन घेणे हे नेहमीच फायद्याचे ठरते.(Agri Business Idea)
खरबूज या पीकाला चांगली मागणी असून, याचे उत्पादन घेणे तुमच्यासाठी फायद्याचे ठरेल. खरबुजाचा वापर हा कच्चे असल्यावर भाजी म्हणून आणि पिकल्यानंतर फळ म्हणून केला जातो. या पिकाची लागवड केल्यापासून केवळ तीन महिन्यातच याचे उत्पन्न सुरु होते. खरबुजाची लागवड ही भारतात प्रामुख्याने उत्तर प्रदेश, पंजाब, राजस्थान, हरियाणा, महाराष्ट्र, बिहार व मध्य प्रदेशमधील उष्ण व कोरड्या प्रदेशात केली जाते. राजस्थानात मोठ्या प्रमाणात खरबूजाची लागवड केली जाते. याची लागवड प्रामुख्याने नद्यांच्या किनाव पाण्याच्या ठिकाणच्या काठावर केली जाते. विशेषतः उन्हाळ्यात खरबुजाला मोठी मागणी असते.
Agriculture News | ऊस टंचाईमुळे राज्यभरात ऊसाची वाहतूक न करण्याचे शेतकऱ्यांना आवाहन
पेटा काष्ठचे खरबूज
खरबूजाच्या पिकामध्ये कोणतेही खत वापरले जात नाही. त्यामुळे खरबुजाचा नैसर्गिक सुगंध व चव ही उत्तम असते. कडक उन्हाळ्यात खरबूजाने लोकांना ताजेतवाने वाटते. यामुळेच लोक सामान्य खरबुजाच्या तुलनेत पेटा काष्टा खरबुजाला जास्त पसंती देतात. तसेच गुणवत्तेमुळे पेटा काष्ठचे खरबूज बाजारात चांगल्या दराने विकले जातात.(Agri Business Idea)
Agri Business Idea | दोन ओळींमध्ये ४ फुटाचे अंतर
खरबुज पिकाची लागवड करताना किमान १० ते १५ सेमी इतक्या आकारांचे खड्डे तयार केलेले असतात. यात दोन ओळींत ४ फुटांचे अंतर ठेवावे लागते. एका रोपापासून ते दुसऱ्या रोपापर्यंतचे १ ते १.२५ फूट अंतर ठेवले जाते. पेटा काष्टाच्या लागवडीच्या पद्धतीत दक्षिण-पश्चिम या दिशेला रेषा काढतात. उन्हाळ्याच्या ऋतुत या दिशेने वारे वेगाने वाहतात. ही धूप थांबवण्यासाठी, दोन ओळींमध्ये कोरड्या स्थानिक वनस्पतींची एक पवनरोधक रेषा, सिनिया व खिंप उभी केली जाते.
Agriculture News | अमित शहांनी नॅनो युरिया-डीएपीबाबत केली मोठी घोषणा
या जातीच्या खरबूजांची करा लागवड
खरबुजांमध्ये ‘कजरी’ प्रजातीच्या खरबूजाची लागवड करणे हे अत्यंत फायदेशीर असू शकते. बहुतेक खरबूज हे बागेत पेरले जातात. अनेक कंपन्या व शेतकरी त्यांचे बियाण्यांची स्वतःच साठवण करून ठेवतात. कजरी प्रजातीचा खरबूज हा गडद हिरवा ते हलका तपकिरी रंगाचा असतो. तसेच त्यावर काही काळे व पांढरे पट्टेही असतात. सरासरी, एका फळाचे वजन हे ५०० ग्रॅम ते १ किलो इतके असतात. कमी वजन व लहान आकारामुळे या प्रजातीची फळे जास्त काळ ताजी असतात.
तीन महिन्यांतच लाखोंचे उत्पन्न
खरबुजाच्या लागवडीनंतर केवळ अडीच ते तीन महिन्यांतच खरबूज बाजारात विक्रीसाठी येतात. तर, फेब्रुवारी-मार्चमध्ये लागवड झालेल्या खरबुजाच्या बागेतून जून महिन्यापर्यंत आवकही सुरू होते. एक एकर खरबूजाच्या लागवडीतून उत्पादक शेतकरी हा तब्बल 2 लाखांपेक्षाही अधिक नफा मिळवू शकतात.(Agri Business Idea)
