Weather News | मागील तीन दिवसांपासून पावसाने राज्यभरात धुमाकूळ घातला आहे. परंतु उद्यापासून पावसाचा जोर कमी होण्याची शक्यता हवामान विभागाकडून वर्तवण्यात आली आहे. तर आज शुक्रवार 27 सप्टेंबर रोजी राज्यात काही भागात अतिवृष्टी होण्याची शक्यता वर्तवण्यात आली असून नागरिकांनी योग्य ती खबरदारी घेण्याचे आवाहन हवामान खात्याने केले आहे.तर पुणे, मुंबई, विदर्भासह कोकण व मराठवाड्यातील काही जिल्ह्यांमध्ये पावसामुळे मोठे नुकसान झाले असून पावसामुळे खरीप पिकांचे मोठ्या प्रमाणात नुकसान झाले आहे. तर शनिवारपासून पावसाचा जोर कमी होण्याची शक्यता विभाग हवामान विभागाने वर्तवली आहे. परंतु 27 सप्टेंबर रोजी उत्तर कोकण, उत्तर महाराष्ट्र व विदर्भात पावसाची शक्यता वर्तवण्यात आली आहे.
Weather Update | राज्यात आजही मुसळधार पावसाचा इशारा; पालघर, नाशिक जिल्ह्यांना रेड अलर्ट जाहीर
काय सांगतो IMD अहवाल
IMD ने दिलेल्या माहितीनुसार, आज धुळे, नाशिक, जळगाव जिल्ह्यांवर वाऱ्याची चक्रीय स्थिती निर्माण झाल्यामुळे अरबी समुद्रातून मोठ्या प्रमाणावर बाष्प खेचले जात असून या चक्रीय स्थिती पासून उत्तर बांगलादेश पर्यंत हवेचे कमी दाबाचे क्षेत्र निर्माण झाले आहे. मध्य महाराष्ट्र व लगतच्या भागावर या चक्रीय परिस्थितीमुळे कमी दाबाचा द्रोणीय पट्टा विदर्भ, छत्तीसगड, झारखंड, गंगेय पश्चिम मार्गे उत्तर बांगलादेश पर्यंत पसरला आहे. त्यामुळे आज कोकण, गोवा मध्य महाराष्ट्र व विदर्भात बहुतांश ठिकाणी पाऊस पडण्याची शक्यता आहे. तर मराठवाड्यात आज बऱ्याच ठिकाणी पाऊस पडण्याची शक्यता आहे. तसेच पालघर, धुळे, नाशिक जिल्ह्यात तुरळक ठिकाणी मेघ गर्जना, विजांसह जोरदार पाऊस होण्याची शक्यता असून छत्रपती संभाजीनगर, घाट विभागात अति जोरदार तर मैदानी भागात मध्यम स्वरूपाचा पाऊस पडण्याची शक्यता आहे. त्यामुळे या सर्व जिल्ह्यांना ऑरेंज अलर्ट देण्यात आला आहे.
तर उत्तर कोकणात मुंबई, ठाणे, पालघर, उत्तर महाराष्ट्रातील नगर, नाशिक, धुळे व नंदुरबार जिल्ह्यात पावसाचा जोर वाढणार असून उत्तर कोकण व उत्तर महाराष्ट्रातील काही जिल्ह्यांना ऑरेंज तर दक्षिण कोकण, मध्य महाराष्ट्र आणि विदर्भाला येलो अलर्ट जारी करण्यात आला आहे.
Weather Update | राज्यात आज पावसाचा यलो अर्लट
या जिल्ह्यांना आज येलो अलर्ट
रायगड, ठाणे, रत्नागिरी जिल्हा व पुणे, सातारा जिल्हाच्या घाट विभागात तुरळक ठिकाणी जोरदार स्वरूपाचा पाऊस पडण्याची शक्यता असल्याने या जिल्ह्यांना येलो अलर्ट घोषित करण्यात आला असून मराठवाडा व विदर्भातील बहुतांश जिल्ह्यात आज आणि जळगाव बुलढाणा व विदर्भातील सर्व जिल्ह्यांमध्ये उद्या तुरळक ठिकाणी मेघगर्जना, विजांच्या कडकडाटासह ताशी 30 ते 40 किलोमीटर वेगाच्या वादळी वाऱ्याने मध्यम ते हलक्या स्वरूपाचा पाऊस पडण्याची शक्यता आहे. त्यामुळे या जिल्ह्यांना देखील अलर्ट देण्यात आला आहे. तर पुणे व आजूबाजूच्या परिसरात पुढील दोन दिवस आकाश सामान्यतः ढगाळ राहणार असून वादळी वारा, वीज आणि मेघकर्जनेसह आज जोरदार स्वरूपाचा पाऊस होणार असून उद्या हलक्या ते मध्यम स्वरूपाचा पाऊस पडण्याची शक्यता आहे. त्यामुळे पुणे व आसपासच्या परिसरातसाठी देखील आज येलो अलर्ट जारी करण्यात आला आहे.
